Како СССР ја мобилизираше нацијата да се бори и да ја порази нацистичка Германија

1) Општата мобилизација низ Советскиот Сојуз беше прогласена на 22 јуни. Секој кој имал 19 години бил должен да се придружи во советската армија. Оние кои имале 18 години имале право да волонтираат. Илјадници луѓе се појавија на собирните места во раните денови од војната. Многумина се уплашиле дека војната ќе заврши наскоро и тие нема да добијат шанса да ја бранат татковината и да покажат чинови на хероизам. 

2) Реалноста се покажа како многу помалку оптимистична. Катастрофалните порази и тешките околности во првите месеци од војната ја натераа владата да објави мобилизација на сите на возраст од 17 до 50 години. Исто така, беа укинати ограничувањата за мобилизирање на деца од потиснатите и „несигурни елементи“ - царските службеници, свештениците, благородниците, и козаците. 

3) Сепак, волонтерското движење не го изгуби темпото за време на војната. Луѓето на кои официјално не им било дозволено да се приклучат во војската поради попреченост, возраст или други причини, честопати се обиделе да фалсификуваат документи што ќе им овозможат да се пријават. 

4) И покрај општата мобилизација, многу луѓе во Сибир и на Далечен Исток не беа мобилизирани. Тие беа оставени во резерва во случај на војна со Јапонија, што се очекуваше во 1941-1942 година.

5) Во првите осум дена од војната беа мобилизирани 5.3 милиони луѓе. Ова двојно ја зголеми бројноста на советската армија.

6) Кога некое лице ќе било повикано на воена служба, тоа морало веднаш да се откаже од работата и да добие плата од две недели. Исто така, му било наредено да ја избричи главата, да ги земе документите за идентификација и да оди во центар за регрутирање.

7) Неколку категории граѓани беа ослободени од мобилизација: Жетвари, дрвосечачи, луѓе кои работат на речни бродови, во фабриките за оружје и сл. 

8) Уметниците, актерите и спортистите, исто така, биле исклучени од служба во војската. Советските државјани со германско, романско, финско, грчко, унгарско, кинеско и со јапонско потекло не беа мобилизирани за воена служба. Наместо тоа, тие биле испратени во градежни баталјони. 

9) По војната Советската армија сфати дека 11 милиони војници биле премногу за мирно време. Во 1946-1948 немаше воена регрутација. Наместо тоа, младите беа испратени да го обноват индустрискиот и земјоделскиот потенцијал на земјата, а до 1948 бројот на војници падна на 2.8 милиони.