Западните инвеститори ги зголемија вложувањата во Русија

Global Look Press
Странските инвеститори во последно време нагло ги зголемија вложувањата во руските хартии од вредност. Во последните три недели се купени обврзници во вредност од повеќе од 210 милиони долари, а рускиот пазар на акции од 11 до 17 ноември порасна за 140 милиони долари.

Основниот прилив на вкупните средства го обезбедија глобалните фондови, и тоа 83 милиони долари. Фондовите ориентирани само на рускиот пазар вложија 57 милиони долари, пишува Лента.ру.

Според податоците на Emerging Portfolio Fund Research, Русија стана популарна меѓу инвеститорите заедно со другите пазари во развој. За една недела инвестициите пораснаа за осум пати. Експертите укажуваат дека на ваквата динамика влијаело ублажувањето на монетарно-кредитната политика на Федералните резерви и европската Централна банка, како и подготвеноста на САД и Кина да постигнат договор. На крај, инвеститорите се склони да поверуваат дека наредната година светската економија ќе порасне.

За странците е привлечен профитот на рускиот пазар на акции. Во овој момент тој изнесува седум проценти, што е еден од највисоките показатели во светот.

Гледано во долари, руските акции од почетокот на годината се меѓу лидерите по принос меѓу ризичните активи. Така, индексот MSCI EM, кој ги следи пазарите на земјите во развој (ја одразува промената на цените на акциите на компаниите на големата и средната пазарна капитализација), порасна за 12 проценти. Индексот на развиените пазари порасна за 22 проценти. Меѓутоа, индексот на полниот принос MSCI Русија, вклучувајќи го дивидендниот, порасна за 44 проценти.

Прочитајте повеќе: Шведски медиуми: Како благодарение на санкциите се појави квалитетно руско сирење

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња