Извозот на возила на рускиот производител УАЗ зголемен 1,5 пати

УАЗ
Извозот на руски автомобили расте, а тоа не се однесува само на „Лада“. Во 2017 година Улјановскиот автомобилски завод (УАЗ) го зголеми извозот на своите возила за 47%. Овој руски производител на моторни возила извезе во 41 земја повеќе од илјади автомобили.

Притоа во текот на мината година ова претпријатие продало 1124 возила надвор од земјите на Заедницата на независни држави (која ја сочинуваат 9 земји од поранешните републики на СССР) и тоа во Азија, на Блискиот Исток, во Северна, Јужна и Централна Америка. Така порастот на извозот во земјите надвор од ЗНД изнесува 78%. Улјановските возила се најбарани во Монголија (422 возила), Кина (167 возила) и Еквадор (100 возила).

Меѓу земјите на Заедницата на независни држави најголемиот извозен пазар и понатаму е Казахстан, каде возила на УАЗ во 2017 година набавиле 2151 лице. Добри резултати се забележени и во Белорусија (932 возила) и Узбекистан (346 возила).

„Следната година планираме да го продолжиме развојот на извозот на сите овие пазари. Земјите на Латинска Америка, југоисточна Азија и Блискиот Исток и понатаму се перспективни дестинации. Освен тоа, планирано е 2018 година УАЗ да започне со склопување на автомобили во Казахстан, што за компанијата отвора нови можности на планот на развој и проширување на нејзиниот производствен потенцијал“, соопшти претходно прес-службата на компанијата „Соллерс”, чиј дел е и Улјановскиот автомобилски завод.

До 2021 година компанијата планира да го зголеми обемот на извоз на автомобили на УАЗ на 20 илјади возила, што ќе биде околу 30% од вкупната продажба. Со таа цел ќе биде проширена територијата на која се испорачуваат возилата, а сите производи ќе бидат прилагодени на потребите на купувачите во конкретните земји.

Прочитајте повеќе: Русија значително го зголеми извозот на автомобили. А на врвот на ранг листата не е „Лада“

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња