УАЗ ја освојува Латинска Америка

УАЗ Patriot

УАЗ Patriot

UAZ
Раководството на Фабриката за производство на автомобили од Улјановск планира во декември да почне да испорачува возила „Патриот“ во Мексико, а во првите месеци од наредната година да почне со извоз на свои автомобили во Чиле.

Директорот на секторот за извоз на Улјановската фабрика за автомобили Андреј Дорофеев на седницата на деловниот одбор на „Трговско-индустрискиот дијалог на Русија и Мексико“ изјави дека извозот на водечкиот производ – возилото UAZ Patriot со погон на сите четири тркала ќе почне во најскоро време.

„Мексико е земја на пикапи, овде ги има навистина многу. Ние секако ќе успееме и во наредните два месеца ќе ги видите тие автомобили на улиците“, рече Дорофеев.

Идната година компанијата почнува со комерцијална испорака на своите производи во Чиле. УАЗ веќе потпиша договор за дистрибуција со оваа јужноамериканска држава. Во Чиле пристигна првата пробна партија на возилата Patriot, Pickup и Profi.

Руската фабрика е заинтересирана за пазарот на Латинска Америка, конкретно на Колумбија, Перу, Аргентина, Чиле, Бразил и Мексико. УАЗ во текот на оваа година во Мексико извезе 39 автомобили UAZ Hunter, а за 2018 година прими нарачки за испорака на 134 возила.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња