Двете најголеми руски банки, Сбербанк и Алфа-банк, ја извршија првата трансакција во Русија користејќи ја блокчеин технологијата. Според претставник на Сбербанк, трансакцијата е извршена во затворена приватна мрежа до која пристап имале „одредени учесници“.
Серверите и мрежниот центар што е користен за плаќање е инсталиран од Сбербанк, а статусот на плаќањето се следел на интернет. Трансакцијата од еден милион рубли (14500 евра) ја извршил мобилниот оператор „Мегафон“, кој уплатил пари на филијала.
Двете банки велат дека плаќањето е извршено „моментално“. Обично за тоа се потребни 30 часа.
Блокчеин е дигитализирана и децентрализирана јавно достапна база на податоци која главно се користи за трансакции на криптовалути.