7 слики од Музејот на рускиот импресионизам што треба да ги видите

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Константин Коровин: „Во парк“, 1880.

Раното студентско дело на познатиот сликар во кое тој толку вешто ракува со потезите на четката што успева да го пренесе чувството на нишање на лисјата на ветрот.

Валентин Серов: „Прозорец“, 1886.

Се сеќавате ли на познатата слика на Серов „До прозорецот. Портрет на Олга Трубникова“? На неа ја насликал својата идна сопруга. А оваа слика претставува етида за тој портрет, кој испаднал посветол и попрозрачен. Сликата е преполна со воздух и претчувство за средба со саканата.

Константин Јуон: „Капијата на Ростовскиот кремљ“, 1906.

На оваа рана импресионистичка слика Јуон, кој бил инспириран од древните руски градови, прикажува древна капија од многу мало растојание - и гледачот ја забележува играта на светлината на неа.

Михаил Шемјакин: „Девојчето во морнарско фустанче (Сонечка)“, 1910.

Како и неговиот учител Валентин Серов, Шемјакин ги сакаше портретите повеќе од другите жанрови. И додека многу се знае за моделот на Серовата „Девојчето со праски“, за младата госпоѓица прикажана овде не знаеме ништо освен нејзиното име.

Николај Клодт: „Обраснато езерце“, 1910.

Сликарот страдал затоа што критичарите го карале за неговиот импресионизам на неговите платна. Меѓутоа, неговите занесни пејзажи на руската природа со бујно зеленило се беспрекорно насликани токму во согласност со овој стил.

Николај Богданов-Белски: „Лето“, 1911.

Познатиот петербуршки портретист секое лето одел на село „да работи на она што му е по душа“. Така настанала оваа слика во слика: ентериер во кој низ прозорецот се гледа пејзаж.

Василиј Поленов: „На Крим“, 1912.

Сликарот повеќе пати одел на лекување на Крим, а патем имал можност да ја спореди тамошната природа со она што го видел на платната на големиот Иван Ајвазовски и неговиот сопствен ученик Исак Левитан.