Овие кокошници од рачна изработка се вистински уметнички дела!

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Ана Пестова работи како учителка во Уљановск на Волга, а во слободното време се занимава со своето омилено хоби. А нејзиното хоби е изработка на авторски кокошници.

На нејзиниот репертоар се принцези и кнегињи во руски стил и нежни пролетни кокошници со цвеќе, но и светли и предизвикувачки ликови од бајките, како што е, на пример, оваа „Огнена Агафена“.

Првиот свој кокошник Ана го направи за универзитетскиот костим на Снегурочка. Тој светкал во светки, но на авторката ѝ се сторило дека таа работа не е ни блиску до оригиналот. Дури три години подоцна се фатила за своето ново хоби и работата ѝ тргнала!

До пресвртница дошло во 2015 година. Голем поттик за понатамошната работа била одлуката на Ана да направи кокошник според сликата на  Михаил Врубел „Принцезата Лебед“.

Ана работела на него, како и на речиси сите наредни, околу три месеци. Од 2015 година до сега таа има создадено околу дванаесет дела. Ана во се занимава со кокошници во слободното време, бидејќи е вработена. Оваа креативна работа ја доживува како одмор, а згора на сé наоѓа време и за семејството.

Ана често е инспирирана од платната на старите и современите сликари. Од современите мора да бара дозвола за да ја користи нивната работа и да го протолкува насликаниот кокошник „во природна големина“. Понекогаш сликарите дури и ѝ испраќаат дополнителни скици за таа цел.

Делото што самата авторка особено го цени е кокошникот „Фрина“, инспириран од порцеланските кукли на Марина Бичкова. Трите лика на кокошникот ги направија пријателите на Ана на 3Д печатач.

Ана вели дека најтешкиот и најдолгиот дел од работата е создавањето на конструкцијата за идниот кокошник. Треба да биде осмислен така што на него да се држат сите бројни и тешки украси. Кокошниците на Ана тежат и по 750 грама.

Секое дело на Ана е неповторливо. Таа вели дека ретко кој ги купува нејзините работи бидејќи се прилично скапи. Најмногу ги купуваат колекционери или љубители на уметноста. Од друга страна, нејзините кокошници често ги изнајмуваат за фотосесии во ефектен амбиент.

Ана го правеше кокошникот на фотографијата подолу повеќе од шест месеци. Оваа работа особено ја засакаа нејзините следбеници и таа е апсолутен шампион по бројот на изнајмувања и фотосесии.

За нејзините дела таа користи ткаенина, пластика, имитација на скапоцени камења и мониста. Сето тоа го купува во родниот Уљановск или го нарачува од онлајн продавница.

Ана секогаш ги објавува новите работи на социјалните мрежи, а често заедно со нив објавува и визуелни ликови кои ја инспирирале. Таа прави и видеа во кои ги прикажува меѓуфазите на изработката на кокошник.