Компанијата Zaha Khadid Architects гради фантастичен станбен кластер во Москва

Бројот на жители на Москва брзо расте, така што на главниот град на Русија му се неопходни брзи и современи градежни решенија.

За неполни десет години овој град може да добие нов величествен станбен кластер.

Планирано е станбениот комплекс да се подигне во северозападниот дел на Москва, во населбата Хорошево-Мневники. Се претпоставува дека тоа ќе биде најголемата станбена зона во Москва, а истовремено и деловен и културен центар.

Проектот го претстави проектното биро Zaha Hadid Architects. Неодамна презентираните рендерирани прикази на зградите пленат со фантастичниот современ изглед и футуристичките бионички форми.

Проектот подразбира огромен подиум и пет облакодери со зелена зона, спортски терени, кафе-барови и ресторани.

Новите згради ќе бидат подигнати недалеку од деловниот центар „Москва сити“, а во близина ќе биде и парк-шумата „Сребрен бор“. Најверојатно оваа локација ќе има прекрасен поглед на реката, како и добри врски со останатите делови на градот и пристап до метрото.