Рускиот филм „Мраз“ се прикажува во Скопје

Рускиот филм „Мраз“ (Лёд) вечерва, 10 мај, со почеток во 20 часот, ќе биде прикажан во киното „Синеплекс“ во скопскиот трговски центар „Сити Мол“.

Филмот на режисерот Олег Трофимов е снимен со буџет од 150 милиони рубли. Во него се раскажува за една фигуристка (ја игра Аглаја Тарасова), која завршува во болница поради грешка на својот партнер. Хокеарот Саша подоцна ѝ ја враќа довербата во себе и ѝ помага да успее.

Дел од филмот е снимен во Олимпиското село на Сочи, дел во Иркутск. Може да се каже дека мразот на Бајкалот, најчистото езеро на планетата, е еден од јунаците во филмот. Сите сцени на езерото се снимани на вистински бајкалски мраз и актерите во секој момент можеа да пропаднат низ мразот.

Прочитајте повеќе за филмот „Мраз“

При користење на материјалите на Russia Beyond задолжителен е хиперлинк до изворот од кој е преземен материјалот.