10 највисоки облакодери во Русија

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

10. „Кула на кејот“ на деловниот центар Москва Сити

На оваа листа ќе се најдат многу згради на деловниот центар Москва Сити. Овој градски кварт почна да се гради на западот на Москва во 1996 година, а денес се состои од 15 облакодери, дел од нив се деловни, а дел станбени згради. „Кула на кејот“ е комплекс од три згради. Највисока е кулата „Ц“, завршена во 2007 година. Две години по завршувањето на изградбата, кулата го држеше првото место меѓу највисоките згради во Европа.

9. Трите кули „Капитал“ во Москва

На Краснопресненскиот кеј до бизнис-центарот Москва Сити во 2023 година беа доградени три станбени кули со иста висина - River Tower, City Tower и Park Tower.

8. Облакодерот „Москва“ во Москва Сити

„Москва“ е повисоката зграда на комплексот од две кули познат како „Градот престолнина“. Кулата е изградена во 2009 година и до 2011 година беше највисоката зграда на територијата на сите поранешни советски републики.

7. „Нева“ (кулата бр. 1) во Москва Сити

Комплексот Neva Towers се состои од две кули, од кои и двете се меѓу десетте највисоки згради во Русија. Првата е висока 302 метри, има 68 ката, дел од зградата го заземаат канцеларии, дел - станови. Изградбата беше завршена во 2020 година.

6. Облакодерот „Евроазија“ во Москва Сити

Уникатна зграда од челик во центарот на Москва Сити. Поради финансиски тешкотии „Евроазија“ се градеше десет години. Во неа се сместени канцеларии, хотел, ресторани, фитнес центри и разни комплекси за разонода.

5. Облакодерот „Меркур“ во Москва Сити

Повеќе пати е наградуван со престижни светски награди за архитектура и ниво на услуга. Покрај 75 ката над земја, има уште пет ката со подземни гаражи. Зградата беше завршена во 2014 година и краток период ја држеше позицијата на највисока зграда во Европа.

4. „Нева“ (кулата бр. 2) во Москва Сити

Изградбата на втората кула на комплексот „Нева“ заврши во 2019 година. Станува збор за станбена зграда од 79 ката.

3. Облакодерот „Око“ во Москва Сити

Комплексот „Око“ се состои од две згради. Јужната беше завршена во 2015 година и е речиси 100 метри повисока од северната. Таму се наоѓа и највисокиот видиковец во Европа.

2. Облакодерот „Восток“ во Москва Сити

До 2017 година тоа беше највисокиот облакодер во Русија. Дел е од комплексот „Федерација“ кој се состои од две згради. Втората е кулата „Запад“, висока 242,4 метри.

1. Лахта Центар во Санкт Петербург

Тоа не е само највисоката зграда во Русија, туку и во Европа. И најсеверниот облакодер на светот! Изградбата беше завршена во 2018 година. Повеќе детали за Лахта Центар ТУКА.