Екстремните студови во руските градови достигнаа -50℃! (ФОТОГРАФИИ)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

1. Во Екатеринбург е -30 ℃. Поради ниските температури градските тролејбуси и трамваи беа принудени да ја намалат брзината на 20 до 25 км/ч за да избегнат дефекти. А вака изгледа замрзнатиот кеј на реката Исет во центарот на градот.

2. Жителите на Краснојарск ги дочекаа студовите од минус 35 степени во градот и до -50 степени во околината. На северот на Енисејскиот реон е забележан студ од -51 степен.

Двоглед окован со снег и иње во новата пешачка зона „Стрелка“ во паркот „Татишев“ на брегот на Качинскиот канал на Енисеј, на островот Татишев во Краснојарск.

3. Во Новосибирск температурата во центарот на градот падна на -33℃, а во регионот на -42℃.

4. Омск. Зграда окована во мраз. И тука е под -30℃.

5. Во Норилск, на северот на Краснојарскиот крај, не е толку студено - само -28℃, но поларната ноќ веќе започна. Последен пат Сонцето овде е видено на 29 ноември, а следното изгрејсонце ќе биде дури во 2024 година, во втората половина на јануари.

6. На северот на Приморскиот крај е под -20°С, но поради ветрот субјективното чувство е како да е -40. Кејот во Владивосток наликува на царството на Снежната кралица.

7. Во Воркута е само -20°С, а снегот е сув и крцка под нозете. Додуша, помеѓу зајдисонцето и изгрејсонцето поминува само еден час, бидејќи сепак тоа е град на 67-та паралела!

8. Според пишувањата на медиумите, во Јакутск е уште потопло! Во главниот град на најстудениот регион на Русија, температурата ноќе е малку пониска од -33°С, иако пред само неколку дена беше -45°С. И тоа е над вообичаената климатска норма за овој период од годината.

9. Првата половина на декември 2023 година во Санкт Петербургу беше особено студена и снежна. Само на прв поглед изгледа дека -10°С и не е толку страшно. Меѓутоа, во комбинација со петербуршкиот ветар и снежните врнежи на жителите им беше многу студено! Во моментов во градот е потопло за неколку степени, но метеоролозите најавуваат дека тоа нема уште долго да трае.

10. Во Москва не е многу студено (око -7°С), но има многу снег. Паѓа цела недела, а ќе продолжи да паѓа и наредните денови.

Во одделни области навевите достигнаа висина од 30 цм, и ќе бидат уште поголеми.