Колку Ермитажи има во Русија?

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Санкт Петербург

Музејот „Државен Ермитаж“ е комплекс од истоимени згради, меѓу кои се Големиот (Стар) Ермитаж, Малиот Ермитаж и Новиот Ермитаж. А исто така поседува и сопствен хотел со истото име, како и театарот Ермитаж.

Павилјоните со име „Ермитаж“ се наоѓаат и во Државниот музеј „Петерхоф“ и во Екатеринскиот парк, кој му припаѓа на музејот „Царско Село“ во градот Пушкин. Исто така во Пушкин има историски павилјон „Ермитажна кујна“.

Покрај тоа, во северната престолнина во 2000 година беше основана радио-станицата „Ермитаж“, каде што можете да слушнете емисии за главниот музеј, како и џез и блуз музика.

Москва

Токму така се нарекуваат градината во центарот на главниот град и театарот во неа. Градината е отворена во 1894 година под името „Нов Ермитаж“.

Исто така, павилјонот „Ермитаж“ - навистина осамен - се наоѓа во музејот на благородничкиот имот Кусково.

Патем, до револуцијата во 1917 година, во Москва имаше ресторан „Ермитаж“, во кој шеф беше готвачот Лисјен Оливје, креатор на култната новогодишна салата.

Казан

На територијата на музејот „Казански Кремљ“ во 2005 година, беше отворен изложбениот простор „Ермитаж-Казан“ - првото претставништво на петербуршкиот музеј. Во градот, во близина на плоштадот Тукаја, има и истоимен парк.

Виборг

Од 2010 година овде функционира изложбениот центар „Ермитаж – Виборг“, кој влегува во структурата на петербуршкиот „Ермитаж“.

Омск

На база на омскиот музеј „Врубељ“ во 2019 година беше отворен „Ермитаж - Сибир“ - третото претставништво на петербуршкиот „Ермитаж“.

Екатеринбург

Престолнината на Урал има уште еден сателит на „Државниот Ермитаж“ - културно-образовниот центар „Ермитаж-Урал“. Отворен е во 2021 година и во исто време претставува дел од екатеринбуршкиот Музејот на ликовните уметности. 

Тула

Сопствен „Ермитаж“ има и престолнината на руските оружари. Тоа е театарот на руската драма, кој го доби името во 2010 година.

Пјатигорск

Свој „Ермитаж“ имаше дури и Ставрополскиот крај. Во 1908 година таму беше изграден истоимен хотел, кој сепак опстана помалку од десет години.