Од ова руско село до американскиот брег има само стотина километри (ФОТОГРАФИИ)

• Ве очекуваме на Телеграм-каналот https://t.me/rb_makedonija
• Сите наши најнови и најактуелни текстови пристигнуваат директно на вашиот паметен телефон! Ако „Фејсбук“ одбива да ги споделува нашите објави, со „Телеграм“ сме секогаш со вас!
• Вклучете го во пребарувачот „Show notifications“ (дозволи известувања) за нашиот сајт!

Позната како Уелен, населбата е сместена на тесен испакнат провлак во Северниот Леден океан, на само 96,5 километри од Алјаска.

Денес има само 600 жители. Жителите главно се занимаваат со лов на китови, риболов и декоративно резбање на коски.

Ова далечно село се наоѓа на пресекот на Тихиот и Северниот Леден океан, на ‘ртот Дежњов – најисточната точка на руското копно.

‘Ртот го открил Семјон Дежњов во 1648 година. Тој го препловил Беринговиот теснец 80 години пред Витус Беринг. Љубителите на патувања кои го посетиле ова место велат дека тоа е „сурово ама убаво“.

Порано најисточна населба во Евроазија беше Наукан, но таа е напуштена, така што оваа титула му припадна на Уелен.

Не е лесно да се дојде до селото Уелен. Од превозни средства се користат хеликоптер, кој лета во Уелен еднаш на две недели, чамец, теренски возила, моторни санки, па дури и кучешка запрега.  

Ова место на самиот крај на светот има малку необична клима: зиме не е премногу студено, а лете не е премногу топло.

Просечната зимска температура е -15 степени Целзиусови, а летната +7 степени Целзиусови.

Провлакот на кој се наоѓа Уелен е широк помалку од 300 метри. Тукашната земја не е погодна за живот, но населбата сепак има училиште, храм, поштенско одделение, ателје за резбање коски и станбени објекти.  

Овде постои и музеј во кој е изложена колекција уметнички дела од моржеви бивни, од кожа, крзно и коски од кит.

Во музејот можат да се купат тукашни сувенири.

Населбата е толку оддалечена од цивилизација што операторите на мобилната телефонија успеаја да ја приклучат на своите мрежи дури во 2011 година.

Жителите главно се занимаваат со лов на китови. Чукотка е еден од малубројните региони во кои сè уште е дозволен некомерцијален лов на китови и моржови.

Овде можете да го видите руското село на духови на Чукотка од каде погледот допира до Алјаска!