Руската војска доби партија модернизирани „Сонцепјок“

Vitaly V. Kuzmin/www.vitalykuzmin.net
Еден од испорачаните БМ-1 успешно ги помина тестовите по гаѓање на еден од полигоните во европскиот дел на Русија.

Модернизираните ракетни фрлачи „Сонцепјок“ добија модерна лансирна апаратура која овозможува комфорна работа на екипажот и го намалува времето за извршување на борбените задачи, пренесуваат руските медиуми.

Партија ТОС-1А му беше предадена на нарачателот од страна на Омскиот завод за транспортна машиноградба на концернот „Уралвагонзавод“ (дел од „Ростех“).

„Тешкиот пламенофрлачки систем е гордост на претпријатието. Нашите инженери работат на различни варијанти на модернизација со цел системот да биде во согласност со најсовремените барања и квалитетно да ги извршува своите функции“, изјави генералниот директор на „Омсктрансмаш“ Игор Лобов.

„Сонцепјок“ е во состојба со помош на термобарички проектили да уништува жива непријателска сила, негови фортификациски објекти и борбена техника. ТОС-1А според калибарот и огнената моќ нема пандан во странските армии. Русија работи на вклучување на „Сонцепјок“ во автоматизираниот концепт за управување со трупите.

Видео: Како дејствува „Сонцепјок“

 

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња