ВИДЕО: Покажана клучната карактеристика на дронот С-70 „Охотник“

„Рамните млазници се глобален тренд. Потребни се за да се обезбедат „стелт“ квалитетите на апаратот во задната хемисфера“, изјави за „Ѕвезда“ директорот на ОКБ „Мотор“ Сергеј Кузмин. Тој појасни дека оваа форма на млазниците ја зголемува заштитата од ракети како со инфрацрвени, така и со радарски системи за наведување.

Деталите за тест-моделот се направени на 3Д печатач. Тоа заштедува време и пари за тестирање и подготовка на проектната документација. Во внатрешниот дел на млазницата се сместени ладни елементи со кои конструкторите ги кријат запалените делови на моторот од топлинските сензори на ракетите. И борбените млазници се направени на 3Д печатач, пренесува „Росијскаја газета“.

Рамните млазници се појавија во втората примерок на С-70 - тој неодамна му беше покажан на министерот за одбрана на РФ Сергеј Шојгу во погонот за склопување на Новосибирскиот завод за авиони. За дронот се составени уште неколку мотори во нови конфигурации. Уште една нивна карактеристика, за разлика од „авионските“, е отсуството на дополнително согорување. „Охотник“ е наменет за подзвучни брзини и економичноста на неговиот мотор е еден од неговите најважни показатели.

С-70 треба да баражира, а не да маневрира интензивно. Затоа не му  треба дополнително согорување, објасни Кузмин.

На “Охотник“ ќе биде инсталирана и варијанта на погонскиот уред АЛ-41Ф1, која ќе го крене Су-57 на небото, но со значителни разлики.

„Дронот нема да има два мотори, туку еден. Затоа, погонот има посебни барања за сигурност - не треба да се дозволи да запре во лет. Применетите системи овозможуваат моторот да работи дури и со целосен дефект на автоматиката - тоа едноставно влегува во режим на мала гас“, изјави главниот конструктор на производите на „ОДК-УМПО“ за производи на ОКБ „П. Љулка“ Сергеј Вакушин.

Исто така, ќе се смени и копнениот пункт за контрола на серискиот дрон. На форумот „Армија 2021“ беше претставен и унифициран стартер за дронови од средна и тешка класа. „Охотник“ може да работи и без оператор.

При користење на материјалите на Russia Beyond задолжителен е хиперлинк до изворот од кој е преземен материјалот.