„Национален Интерес“ импресиониран од вооружувањето на новата руска подморница „Волхов“

Краснодар. Подморница од проектот 636.3 „Варшавјанка“ се враќа од мисија во Медитеранот.

Краснодар. Подморница од проектот 636.3 „Варшавјанка“ се враќа од мисија во Медитеранот.

Алексеј Павлишак/TASS

Во составот на руската Воена морнарица влезе новата дизел-електрична подморница „Волхов“ од проектот 636.3 „Варшавјанка“ (според класификацијата на НАТО - Kilo II). Во САД подморниците од оваа класа го добија прекарот „Црни дупки“ и според авторот на „Национален Интерес“ Питер Сучиу имаат „навистина импресивно вооружување“.

„Волхов“ е втората во серијата нови неатомски подморници што се градат за руската Тихоокеанска флота. Минатата година таа ги помина возните испитувања, сите нуркања беа извршени успешно, системите и механизмите работеа нормално во целосна согласност со наведените работни карактеристики, пишува „Росијскаја газета“.

Како што забележува авторот, подморниците од овој проект се наменети за противбродски и противподморнички операции во крајбрежните води.

„Благодарение на својот робустен труп, „Црните дупки“ имаат работна длабочина од 240 м и можат да нуркаат до максимална длабочина од 300 м. Опсегот на дејство на овие подморници е до 7,5 илјади милји. Ги сметаат за едни од најтивките подморници во светот и можат да развијат брзина до 20 јазли. Автономијата на пловидбата е 45 дена“, пишува Сучиу.

Сепак, највпечатливо, според авторот, е вооружувањето на подморницата.

„Волхов“ носи крстосувачки ракети „Калибар-ПЛ“, кои под вода се лансираат од торпедните апарати. Покрај тоа, подморницата е опремена со современи радарски системи, сонари и 533-мм торпеда. Тоа е навистина импресивно оружје. „Црните дупки веројатно можат да научат нови трикови“, пишува колумнистот.

Вкупно Тихоокеанската флота треба да се дополни со шест дизел-електрични подморници од проектот „Варшавјанка“. Првата е „Петропавловск-Камчатски“, а во моментов се градат „Магадан“ и „Уфа“.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња