Руското Министерство за одбрана објави снимка од своја подморница кај бреговите на Алјаска

Руска подморница. Илустрација.

Руска подморница. Илустрација.

Sputnik
Министерството за одбрана на Русија објави видеоснимка направена од нуклеарната подморница „Омск“, која учествува во маневрите „Океански штитˮ недалеку од бреговите на Алјаска.

На снимката направена од внатрешноста на подморницата може да се види подготовка на противбродска ракета „Гранитˮ за лансирање. Врз основа на она што го зборуваат членовите на екипажот, може да се заклучи дека подморницата врши брзо нурнување, при што симулираната цел се наоѓа на растојание од 329 километри. По одбројувањето следи испукување на ракетата.

Претходно Северната команда на американските Вооружени сили соопшти дека руска подморница изнурнала во близина на бреговите на Алјаска.

Руското Министерство за одбрана објасни дека ракетниот крстосувач „Варјагˮ и подморницата „Омскˮ во Беринговото море извеле заеднички гаѓања на морски цели. Рускиот воен ресор повеќе пати соопшти дека неговите бродови строго ги почитуваат меѓународните правила на пловење.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња