Во Воената морнарица на Русија во служба брод кој во состав на флотата влезе пред 105 години

„Комуна“

„Комуна“

Public domain
Во Воената морнарица на Русија во служба е најстариот помошен брод „Комуна“. Според конструкцијата е катамаран, а се користи за спасување подморници. Во состав на тогашната Руската императорска флота бродот влезе 1915 година. До 1922 година го носеше називот „Волхов“.

Проектот на помошниот брод е развиен 1911 година во фабриката „Путиловски“. Откако победува на конкурсот на 5 мај 1912 година, потпишан е договор за изградба. По три години во Путиловското бродоградилиште е завршена изградбата на бродот. Во производството на пловилото е користен Сименс Мартинов челик. Трупот на „Комуне“ и денес е добро сочуван. Според податоците до кои во истражувањето дојдоа експерти на „Роскосмос“, високите антикорозивни својства на челикот од кој е направен трупот на „Волхов“ се добиени благодарение на брунирањето во текот на изградбата.

Откако влегува во составот на флотата, пловилото служеше во Ревал и се користеше како пловна база за подморниците. Превезуваше резервни торпеда, гориво, обезбедуваше кабини за морнарите-подморничари. Во јуни 1917 година „Волхов“ првпат ја крева подморницата АГ-16 во близина на Аландските острови.

„Волхов“ спуштен во вода на 17 ноември 1913.

За време на Втората светска војна „Комуна“ е во состав на Балтичката флота и обезбедува ремонт на подморници.

Пловилото во 1967 година е префрлено од Кронштат во Севастопол. „Комуна“ е денес во составот на Црноморската флота. По извршената модернизација, носи подводен робот Seaeye Panther Plus и ден-денес се наоѓа во борбен строј.

Прочитајте повеќе: Дали знаевте дека руската морнарица има свој диносаурус?

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња