Огнено крштевање: во кој судир Т-72 го имаше своето прво воено учество?

Сергеј Аверин/RIA Novosti
Основните борбени тенкови Т-72 спаѓаат во „најзафатените“ борбени машини на светот. Тие зедоа учество во бројни конфликти кои се случија последниве неколку децении. Се поставува прашањето кога овие тенкови првпат „помирисаа“ вистински фронт и беа употребени во борба со реален противник. Поопширно во продолжение на текстот...

Различни извори велат дека првите „седумдесет двојки“ се употребени во епицентарот на воените судири во Либан, во јуни 1982 година. Тогаш во долината Бека сириските оклопно-механизирани единици беа ангажирани во спречувањето копнена инвазија на израелската војска, пренесува веб-порталот РГ.

Меѓутоа, вистината е дека тенковите произведени во Нижни Тагил ја поминаа воената проверка цели две години порано, и тоа во Ирачко-иранската војна. На веб-порталите постојат видеоматеријали кои ја докажуваат оваа претпоставка. Така, во октомври 1980 година е забележано префрлување на овие тенкови на првата линија на фронтот со помош на камиони-тегначи. Судејќи според сé, оклопно-механизираните единици опремени со овие тенкови биле ангажирани за затворање на тогашната јужна секција на фронтот.

Т-72 почнаа да се испорачуваат во Ирак 1979 година. За само две години оваа земја набави 100 експортни верзии на тенкот Т-72 со пакетот модификација „Урал-1“. Благодарение на својот 125-милиметарски тенковски топ со мазна цевка, овие тенкови имаа значителна предност во борбите со американските тенкови М60 и англиските тенкови Chieftain, што беше повеќе пати и демонстрирано при тенковските дуели.

Во првата фаза на оваа војна вкупните загуби на новите тенкови набавени од СССР во однос на моделите Т-55 и Т-62 беа драстично мали. Исто така, новата генерација советски тенкови ги надминуваше своите потенцијални противници кога е во прашање степенот на оклопна заштита, подвижноста, сигурноста и едноставноста на одржувањето.

Во јануари 1982 година во ирачката армија влезе голем број унапредени модификации кои наместо оптички добија ласерски нишани-далечинометри.

Што се однесува до основните борбени тенкови од првата испорачана партија, таа беше ангажирана во текот на целата Ирачко-иранска војна, а имаше учество и во Заливската војна. Одделни примероци на овие тенкови учествуваа и во борбите при агресијата на САД во 2003 година.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња