„Национален Интерес“: „Су-34 е жива легенда“

Вадим Савицки/Global Look Press
Американскиот магазин ја наведува и причината поради која го окарактеризира така рускиот ловец-бомбардер.

Магазинот „Национален Интерес“ објави статија „Рускиот ловец-бомбардер Су-34 е легенда поради една едноставна причина“. Авторот Кејлеб Ларсон не сака да ги мачи читателите со долг предговор, туку веднаш ја објаснува причината со следниве зборови: „Тој авион може лесно и едноставно да ја стигне својата цел практично во секое место и во секое време“.

Според мислењето на американскиот аналитичар, Су-34 спаѓа меѓу најдобрите ловци-бомбардери.

Ларсон ги набројува предностите на ова летало, почнувајќи од големата и пространа кабина. Пилотот може целосно да се исправи во неа. Покрај тоа, кабината има тоалет и мини-кујна.

Кабината е направена во вид на оклопена капсула со оплата од титаниум, така што е заштитена од стрелечко оружје и противвоздушен оган. И останатите сегменти на авионот се оклопени.

Покрај 12 точки за закачување различни бомби и ракети, Су-34 има и топ калибар 30 милиметри за јуриш на копнени цели.

Авторот ја истакнува уникатната конструкција на овој авион. Поради карактеристичниот облик на трупот Су-34 го доби називот „Пајче“.

Како бомбардер Су-34 има голема борбена носивост и голем долет, а истовремено и големи маневарски можности својствени за авионите-ловци. Тоа е делумно поврзано со конструкцијата која е направена по схема на надолжен трокрилец.

Една од најупадливите особености на авионот Су-34 е карактеристичниот конус на опашката. Во него се наоѓаат падобранот за кочење, помошниот мотор, резервното гориво и системот што ги исфрла средствата за противелектронска борба, со што авионот се штити од ракетни напади.

На крајот на статијата Кејлеб Ларсон изведува заклучок дека Су-34, и покрај тоа што не е направен според „стелт“ технологија, стана еден од најефикасните авиони на својата генерација, како и дека во скора иднина и понатаму ќе биде на цена.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња