Руски полковник за впечатоците од маршот до Бергамо на конвојот со помош за Италијанците

Полковник Игор Јурјевич Богомолов, началник на Научноистражувачкиот центар, во видеоснимка на Министерството за одбрана на РФ зборува за впечатоците од 600 километри долгиот марш од Рим до Бергамо на рускиот конвој возила со воени стручњаци, техника и опрема, упатени да ѝ помогнат на најпогодената од коронавирусот земја во Европа.

„Маршот се одвива регуларно, организирано. Се наоѓаме на местото на првото запирање, за одмор, техниката е исправна, дефекти нема. Патиштата се пусти, се гледа дека е на сила карантин, а возачите на малубројните коли што ги среќававме патем пријателски нé поздравуваа, свиреа, така што имавме многу убаво чувство и воопшто не се чувствувавме како да сме во некоја друга земја“, вели Богомолов.

Русите испратија во Италија 15 авиони Ил-76 со воени медицински стручњаци и најсовремена техника и опрема, а по пристигнувањето на аеродром недалеку од Рим тргнаа на 600 километри долг марш во придружба на италијанската војска и карабинерите. Општиот впечаток е дека Италијанците беа вчудовидени од оперативноста на руската група и не беа во состојба адекватно да ги примат руските авиони во бројот и ритамот со кој пристигнуваа.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња