Ерменската армија посилна со современите руски ПВО-системи „Тор-М2КМ“

Vitaly V. Kuzmin/www.vitalykuzmin.net
Според ерменскиот премиер Никол Пашињан, се работи за една од најважните набавки на воена опрема за потребите на ерменската војска во тековната година. Што се однесува до верзијата на системот „Тор-М2КМ“, станува збор за модуларен комплекс кој се состои од автономен борбен модул, кој може да се распореди на голем број мобилни шасии, вклучувајќи и камиони. Може да се користи и како фиксен ПВО-комплекс.

Руските противвоздушни системи со краток дострел „Тор-М2КМ“ станаа дел од вооружените сили на Република Ерменија. Ова го соопшти премиерот на ерменската влада Никол Пашињан, пренесува веб-порталот РИА „Новости“.

„Ерменската војска ги набави суперсовремените системи за противвоздухопловна и противракетна одбрана „Тор-М2КМ“ од руско производство“, напиша Пашињан на својата страница на „Фејсбук“.

Според него, станува збор за системи произведени 2019 година. „Ова е една од најважните воени набавки во тековната година. Не можам да ви кажам точно колку вакви системи набавивме затоа што тоа е воена тајна“, рече ерменскиот премиер.

Противвоздушниот ракетен комплекс 9К332 „Тор-М2“ е ефикасен против авиони, хеликоптери, беспилотни летала, и посебно, високопрецизни наведувани бомби и ракети. Претставува комплекс со мал дострел (во далечина 16 км/во висина 10 км), и е идеален за заштита на оклопно-механизирани колони во марш. За разлика од претходните верзии на овој комплекс, „Тор-М2“ во својот борбен комплет има 16 ракети (претходните верзии имаа капацитет од 8 ракети). Се одликува со подвижност, кратко време на реакција по забележана цел, автоматизација на процесот при гаѓање, исклучителна ефикасност при уништување на цел спектар воздушни цели, како и висок степен на отпорност на средства за ПеБ (средства за противелектронска борба). 

Неговата најнова специјална верзија ја носи ознаката 9К332К „Тор-М2ДТ“. Се работи за исто така систем со мал дострел кој е специјално проектиран за сурови временски услови какви што има на северот. Се одликува со голема подвижност бидејќи е интегриран на гасенична платформа ДТ-30 која е специјално направена за непроодните терени какви што има на северот на Русија.

Што се однесува до верзијата на системот „Тор-М2КМ“, станува збор за модуларен комплекс кој се состои од автономен борбен модул, кој може да се распореди на голем број мобилни шасии, вклучувајќи и камиони. Може да се користи и како фиксен ПВО-комплекс.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња