Воздушни цели имитираа јуришни беспилотни летала, балистички и крстосувачки ракети, како и авиони и хеликоптери.
„Тоа се мошне сложени цели кои летаа на висина од 50 до 100 метри. На пример, крстосувачка ракета лета со брзина од 250-300 метри во секунда, а нашите мети развиваа брзина од 550 метри во секунда. Покрај тоа, имавме и комплексна балистичка цел што леташе на висина од 35 километри по балистичка траекторија“, нагласи генерал-потполковник Јуриј Грехов, заменик-командант на Воздушно-космичките сили на Русија.
Групата на противвоздухопловната одбрана во Астрахањската област ја сочинуваа ракетни системи С-400 „Триумф“, С-300 „Фаворит“ и С-300П „Волхов М6“, како и преносен противвоздушен ракетен систем „Панцир-С“.
Противвоздухопловната одбрана ја покриваа ловци МиГ-31, Су-27 и Су-35С. Покрај тоа, беа поставени и модерните радари „Небо-М“, „Каста“ и „Подљот“. Во маневрите учествуваа повеќе од 500 војници со 150 парчиња вооружување и техника.