Путин го коментираше спојувањето на МВС со вселенскиот брод „Сојуз“ и роботот FEDOR

Станислав Красиљников/TASS
Претседателот на Русија Владимир Путин ја коментираше ситуацијата до која дојде при спојувањето на Меѓународната вселенска станица (МВС) со вселенскиот брод „Сојуз МС-14“ во кој беше првиот руски антропоморфен робот FEDOR.

„Знаеме дека ситуацијата во извесна смисла беше вонредна, но како што е вообичаено за нашите космонаути, одлично ја направивте таа работа“, го цитира рускиот лидер агенцијата РИА „Новости“.

Се истакнува дека Путин го изјави ова кога во павилјонот на државната корпорација „Роскосмос“ беше воспоставена видео-врска со космонаутите Александар Скворцов и Алексеј Овчинин.

„Се надевам дека понатаму сè ќе тече, како што велат, како по лој. Но, сè што тече „како по лој“ зависи од високото ниво на професионализам на врвните експерти како вас“, истакна рускиот претседател.

Рускиот лидер истовремено изрази надеж дека FEDOR ќе им помогне на космонаутите во нивната работа и добро ќе им послужи во секој поглед.

Како што истакнува агенцијата, претседателот на Турција Реџеп Таип Ердоган го посети павилјонот заедно со Путин и исто така им посака на руските космонаути успешно завршување на мисијата на МКС.

Претходно вселенскиот брод „Сојуз МС-14“ со роботот FEDOR во автоматски режим успешно се спои со Меѓународната вселенска станица по вториот обид. Првиот обид беше направен на 24 август, но беше неуспешен бидејќи дојде до дефект на опремата на системот за спој „Курс“ на модулот „Потрага“ во рускиот сегмент на МВС.

Подоцна беше објавена видеоснимка од успешното спојување на вселенскиот брод и станицата.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња