Су-57 на натпреварот „Авиадартс-2019“ ќе им пружи ловечка заштита на бомбардерите Ту-22М3 и Су-34

„Првпат јавно ќе бидат прикажани тактички елементи на воздушна борба во кои ќе учествуваат авиони од петтата генерација Су-57, кои ќе имаат улога на непосредна ловечка заштита на авионите на ударната авијација“, пренесува интернет-порталот ТАСС.

Су-57 ќе учествува на двочасовниот тактички приказ „Авиамикс“. По тој повод, на публиката ќе ѝ бидат прикажани летечко-техничките и борбените можности на ангажираните авиони, вклучувајќи ги модерните, но и перспективните модели.

Заедно со ловците Су-57 на „Авиамикс“ ќе учествуваат и авиони Су-35С, Су-30СМ, Су-34, Ту-22М3, Су-25СМ3 работат како и ударни хеликоптери Ми-28Н и Ка-52.

„Гледачите ќе можат да видат блиска воздушна борба меѓу авиони Су-35С, масивен удар по копнени цели со употреба на бомбардери Ту-22М3 и Су-34, елементи на воздушна поддршка со примена на модернизирани јуришници Су-25СМ3, изведување тактички десант на специјалните сили со воено-транспортни хеликоптери кои ги покрива група ударни хеликоптери Ми-28Н и Ка-52, соопштија во вторникот организаторите на Меѓународните армиски игри, пренесува интернет-порталот „Взгљад“.

Покрај тоа, гледачите ќе можат да видат и дејство на ударно хеликоптерско одделение Ми-28Н врз копнени цели на непријателот на големи далечини со употреба на наведувани ракети од класата „воздух-земја“. Тешките воено-транспортни хеликоптери Ми-26 ќе ги демонстрираат способностите за гаснење на пожари, додека воено-транспортните авиони Ил-76 ќе извршат прецизно десантирање на товар.

Вкупно ќе бидат ангажирани повеќе од 50 пилотски екипажи од составот на оперативно-тактичката, армиската, стратешката и воено-транспортната авијација.

Покрај нив ќе ги видиме и акробатските групи „Руски витези“, „Стрижи“, „Соколи на Русија“ и „Беркути“. Во рамките на натпреварот „Авиадартс-2018“ ќе учествуваат екипи од Кина, Белорусија, Казахстан и Русија.

Прочитајте повеќе: Су-57 ќе стане „Громовник“: Русите претставија нова генерација високопрецизна муниција „воздух-земја“

При користење на материјалите на Russia Beyond задолжителен е хиперлинк до изворот од кој е преземен материјалот.