Ердоган: С-400 е најмоќниот одбранбен систем на светот

С-400 „Триумф“

Twitter.com/Министерство за одбрана на РФ/Global Look Press
Претседателот на Турција Реџеп Таип Ердоган во говорот одржан во Истанбул по повод тригодишнината од обидот за државен преврат изјави дека рускиот противвоздухопловен систем С-400 е најмоќниот одбранбен систем на светот.

„Испораката на С-400 почна (...) До април 2020 година тие системи ќе бидат распоредени во нашата земја и подготвени за примена. (...) С-400 е најмоќниот одбранбен систем. Се надевам дека ќе го произведуваме заедно со Русија“, ги наведува агенцијата ТАСС зборовите на Ердоган во програмата на телевизијата Habertürk.

Во понеделникот во Турција долета деветтиот по ред авион со делови за С-400. Испораката на овој систем за Турција почна на 12 јули.

Претходно Ердоган изјави дека договорот за увоз на С-400 е најважниот договор што го склучила современа Турција и истовремено ја извести јавноста за плановите на Турција заедно со Русија да произведува средства за противвоздухопловна одбрана.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња