Боевиот АК-12 и неговиот цивилен брат TR3: Која е разликата? (ВИДЕО)

Видеоклипот со споредбата на двете автоматски пушки го објави концернот „Калашников“. Специјалистот на компанијата и мајстор во практично стрелаштво од светска класа Георгиј Хубич многу сликовито објасни во што е разликата меѓу навидум потполно истите автоматски пушки, пренесува порталот Marsonline. 

Најголемите разлики се наоѓаат на десната страна на оружјето. Кај воената верзија на автоматската пушка АК-12 и нејзиниот цивилен „близнак“ TR3 значително се разликува регулаторот на стрелбата, поточно неговиот механизам.

Воената верзија на автоматската пушка АК-12 има дури четири функции/степени на оружјето кои се прилагодуваат со регулаторот на стрелбата:

1. АК-12 е закоченa
2. АК-12 се наоѓа во автоматски режим на работа/рафална стрелба
3. АК-12 дејствува со по два куршума
4. АК-12 дејствува со единечна стрелба

Цивилната верзија TR3 има само две функции на регулаторот на стрелбата, а тоа се:

1. TR3 е закоченa
2. TR3 е откоченa и може да дејствува исклучиво со единечна стрелба

Кај цивилната верзија на автоматската пушка TR3 е присутна уште една карактеристична разлика во однос на АК-12, а тоа е тастерот со кој се блокира оската на телескопскиот кундак. Тој не дозволува пушката со помош на механизмот за регулација на стрелбата да се откочи додека кундак е во склоплива/маршевска положба.

На левата страна измените се сведуваат на типот на обележување на воената и цивилната верзија на новата пушка на концернот „Калашников“. Кај воената верзија на АП АК-12 е врежан натписот 6П70, додека кај цивилниот карабин се наоѓа официјалното лого на производителот на пушката, нејзината ознака TR3 и натпис Made in Russia.

Општо за TR3

Полуавтоматската пушка TR3 првпат беше претставена 2017 година. Нејзиното сериско производство започна оваа година. Оружјето е максимално унифицирано со воената верзија на АП АК-12 и визуелно практично и да не постојат разлики помеѓу овие две пушки. Можевте да ги прочитате разликите во горниот дел на текстот. Самата пушка ќе се произведува во два калибра: 5,45 мм и 7,62 мм.

Капацитетот на рамката ќе биде 10 куршуми. На врвот на цевката е ставен компензатор на трзајот со назабен врв, како и „Пикатини“ шини за закачување на голем број тактички додатоци, вклучувајќи и рефлексни и оптички нишани. Оваа шина се наоѓа и на горниот дел на капакот на затворачот. Новите рамки се делумно проѕирни, што овозможува визуелна контрола на количината на преостанатата муниција од страна на стрелецот.

Прочитајте повеќе: За што служат мистериозните „запци“ на врвот на компензаторот на новата автоматска пушка АК-12?

При користење на материјалите на Russia Beyond задолжителен е хиперлинк до изворот од кој е преземен материјалот.