„Калашников“ почна со испорака на автоматот АК-12 на руската армија

„Калашников“ АК-12

TASS
„Калашников“ почна во серии да ѝ го испорачува на руската армија најновиот автомат АК-12, соопштија за агенцијата РИА „Новости“ од информативната служба на овој концерн.

„Првата партија од 2500 автоматски пушки АК-12 концернот „Калашников“ на 20 декември му ја достави на Министерството за одбрана на Русија. Тоа е првиот нарачател кому концернот „Калашников“ му ги испорача најновите автомати“, се вели во соопштението за јавност.

Претходно беше соопштено дека Министерството за одбрана на РФ ги прифатило автоматите АК-12 и АК-15 кои концернот „Калашников“ ги направи како дел од најмодерната воена опрема „Ратник“.

Комплетот „Ратник“ (борбена опрема од втора генерација) опфаќа современо стрелечко оружје, ефикасни заштитни комплети и средства за извидување и врска – вкупно десетина различни потсистеми.

Автомат АК-12 со калибар 5,45 мм и полуавтоматска пушка со мазна цевка „Сајга 12“ (модел 340 со калибар 12 мм) на Меѓународниот военотехнички форум „Армија 2015“ во Кубинка.

Се очекува дека до 2020 година овој комплет ќе го имаат сите копнени трупи на руската армија.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња