Непробоен штит: Руските „Панцири“ соборија шест ракети истрелани од ПРЛ „Град“ и два дрона

„Бог-рата“
Небото над воздухопловната база „Хмејмим” и ноќеска се тресеше од дејствувањето на руската ПВО. Имено, терористите околу 20 ч. се обидоа да изведат комбиниран напад врз базата со истовремена употреба на повеќецевни ракетни лансери и ударни дронови. Со ефикасно дејство на ПВО, со системите за извидување и ловечко-бомбардерската авијација на ВКС, нападот беше одбиен, а сите терористички цели уништени.

Терористичките групи на „Џабхат ан-Нусра“ (организација забранета на територијата на РФ), извршија ракетен напад врз воздухопловната база „Хмејмим“ во Сирија со употреба на повеќецевни ракетни лансери. Според пишувањето на интернет-порталот ТАСС, кој се повикува на извори во руското Министерството за одбрана, единиците за ПВО кои ја штитат базата успеале да го одбијат овој напад. Огнената позиција од која е изведен нападот за многу краток временски период е уништена, пренесува порталот „Бог-рата“. 

„Во неделата, 19 мај, терористите од организацијата „Џабхат ан-Нусра“ изведоа напад врз руската воена база „Хмејмим“ со помош на повеќецевен ракетен лансер. Околу 20 часот по локално време, од територија која се наоѓа во зоната на деескалација се истрелани вкупно шест ракети. Дежурните огнени позиции на ПВО го регистрираа овој напад и успешно ги пресретнаа сите тие проектили“, велат од Министерството за одбрана на РФ.

Од воениот ресор нагласуваат дека притоа не е нанесена никаква материјална штета во кругот на воената база „Хмејмим“, како и дека немало загуби во жива сила. Воената база продолжила да функционира во целосен обем.

„Руските средства за извидување го открија местото од каде што дејствуваше повеќецевниот ракетен лансер. Тој се наоѓаше малку позападно од населеното место Кафр-Нобл во провинцијата Идлиб. Со високопрецизен воздушен удар оваа огнена позиција е уништена“, соопштија од Министерството за одбрана на РФ.

Терористите истовремено употребиле и две ударни беспилотни летала кои се откриени североисточно од авиобазата „Хмејмим“. Врз нив дејствувала ПВО при што овие летала се соборени на безбедно растојание од базата.

Погледнете го видеото: Непробојната одбрана на „Панцир-С“

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња