Рускиот воено-индустриски комплекс практично сите гранати и ракети ќе ги направи „паметно“ оружје

Слободан Ѓукиќ
Рускиот воено-индустриски комплекс интензивно работи на програма за радикално унапредување на артилериската муниција која ќе ги опфати практично сите артилериски гранати и ракети. Руските конструктори завладеаја со технологијата на полна интеграција на полуактивна ласерска боева глава за самонаведување на неуправлива артилериска муниција. Во тек е развој на високопрецизна наведувана артилериска граната со калибар 57 мм, која нема конкуренција во светот.

Во Русија е направена високопрецизна наведувана артилериска граната со калибар 57 мм, која нема конкуренција во светот, рече еден од директорите на развојната компанија КБ „Точмаш“ Владимир Макеев. „Работиме во правец на развој на високопрецизни наведувани артилериски гранати, проектили со калибар 57 мм кои нема да имаат пандан во светски рамки“, изјави Владимир Макеев, пренесува интернет-порталот „Взгљад“.

Според него, современото војување бара усовршување на ефикасноста на неуправливите ракети. За реализација на овие барања во Русија се развиваат специјални блокови за управување кои ќе ги претворат овие ракети во високопрецизно оружје. Се работи за огромна количина ракетна муниција, која ќе се интегрира со блок специјална оптоелектроника.

Претпоставката е дека рускиот воено-индустриски комплекс на годишно ниво произведува стотици илјади различни ракети за артилериско-ракетните борбени системи, што претставува огромна база за понатамошно унапредување.

Макеев исто така напомна дека руските конструктори завладеале со технологијата на полна интеграција на полуактивна ласерска боева глава за самонаведување на ненаведувана ракетна муниција. Главното нешто кај ваквите технолошки операции е ниската цена на целиот процес, како и брзината во комплетирањето на една ракета со што дополнително не се оптоваруваат производствените капацитети.

Неодамна и американските медиуми објавија неколку текстови за руските новитети во сферата на вооружувањето и воената техника, каде имено и се зборува за развој на артилериска „супермуниција“ која ќе биде опремена со оптички систем за наведување.

Прочитајте повеќе: Американската разузнавачка служба го дознала времето кога „Посејдон“ ќе влезе во руската армија

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња