Во Русија ќе биде пуштен во погон единствен нуклеарен реактор

Во рамките на  „Курчатовскиот институт“ во Ленинградската област наскоро ќе биде ставен во погон единствениот научен нуклеарен реактор ПИК, изјави министерот за наука и високо образование Михаил Котјуков.

„Во блиска иднина сметаме на пробна работа на реакторот од Гатчина“, рече Котјуков, пренесува РИА „Новости“.

Единствениот високопроточен ПИК реактор е направен во Петербуршкиот институт за нуклеарна физика „Константинов“, дел од научниот национален центар „Курчатовски институт“.

ПИК реактор е инсталација од „мегасаенс“ класата и според многу параметри е најдобриот уред на светот за проучување на материи со нано-димензии со помош на неутронска радијација. Ќе овозможи испитувања од областа на физиката, хемијата, биологијата, геологијата, медицината, науката за материјалите итн.

Прочитајте повеќе: Во Русија пуштен во погон првиот нуклеарен реактор на пловна платформа

При користење на материјалите на Russia Beyond задолжителен е хиперлинк до изворот од кој е преземен материјалот.