Како би можела да изгледа новата „Буханка“?

Независни дизајнери осмислија нова „Буханка“, топката е кај производителот на легендарниот УАЗ-450.

Независни дизајнери се обидоа да одговорат на хипотетичкото прашање како во иднина би можела да изгледа легендарна та „Буханка“. Така на порталот за автомобили „Колеса.ру“ се појави компјутерски приказ на возилото УАЗ-450, познато како „Буханка“ (векна), кој ги следи современите трендови во дизајнот на автомобили.

Иако имаше премногу гласини за обновувањето на „Буханка“, нејзината судбина е неизвесна. Според пишувањето на руските портали за автомобили, сепак, се чини дека производството на нова генерација на ова комбе не е во план и дека познатиот модел ќе се изработува во стандардната верзија која е непроменета од 1965 година.

Дизајнерите на порталот „Колеса.ру“ осмислувајќи ја новата „Буханка“ најверојатно биле инспирирани од концептот на Volkswagen ID Buss, пренесуваат медиумите. Без оглед на апсолутно новиoт стил и дизајн, тие настојувале да ги зачуваат автентичните контури на овој модел, вклучувајќи ги тркалезните фарови, трапезоидната маска на ладилникот, како и трепкачите.

Судејќи според компјутерскиот приказ, дизајнерите инсистирале на карактеристики на теренско возило кои се рефлектираат во зголемениот клиренс, тркалата со голем пречник, како и во кратките браници.

Улјановската фабрика за автомобили, на која дизајнерите со новата „Буханка“ ѝ фрлија ракавица, ја претстави новата верзија на камионот ПРОФИ со опрема за возење на гас. Првите модели ќе бидат во продажба веќе наредниот месец.

Погледнете: „Американци тестираат“: Автоблогерите едногласно одлучија дека „Буханка“ е најдоброто возило

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња