Новиот дизајн на познатата руска „Векна“: Во чекор со времето или премногу „гламурозен“?

ГНЦ РФ ФГУП «НАМИ»
Рускиот Централен научноистражувачки автомобилски и автомото институт НАМИ разви и на својата страница на „Инстаграм“ објави скица на дизајнот на новиот автомобил на Фабриката за производство на автомобили од Улјановск во народот попознат како „Буханка“ (обично црн леб што се пече во модла).

Се вели дека „секој кој бил во војска или барем поминал покрај касарна знае за познатата „Векна“, како што популарно се нарекуваше руското комбе УАЗ-452“, па и сите негови модификации се проследени со интерес.

Старата добра „Буханка“

Како што врз основа на скицата може да се забележи, дизајнот на познатото товарно-патничко возило од руско производство потсетува на моделот „Шкода Јети“. Автомобилот доби поскладни кривини на каросеријата и повеќе не личи на „Буханка“, пренесуваат руските медиуми.

Многу корисници се воодушевени од дизајнот на автомобилот и со нетрпение го очекуваат сериското производство, меѓутоа некои сметаат дека неговиот изглед е премногу „гламурозен“. Сепак, засега не е познато дали претставениот концепт ќе биде и реализиран, барем како прототип. Улјановската фабрика за автомобили не се огласи во поглед на плановите околу редизајнот или развојот на нова генерација на овој модел.  

Прочитајте повеќе: Како од стар УАЗ направија опасен теренец

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе