Специјална обука: Руските снајперисти вежбаат техника на тнр. „хумано“ неутрализирање на мета

Скриншот
Снајперистите на мировната бригада на Централниот воен округ (ЦВО) изведоа специјална воена вежба на Рошинскиот полигон во Самарската област, при што ја увежбуваа техниката на изведување на тнр. „хумано“ неутрализирање на метата, со која противникот се гаѓа во телесни зони кои не можат да предизвикаат смртни последици.

„Основната задача на мировните сили е да обезбедат мир меѓу завојуваните страни. Според правилата на употреба на овие единици нашиот противник не се борци, ниту терористи. Нашата задача, пред сѐ, е да ги запреме луѓето кои поради некоја причина зеле огнено оружје во рацете пред да направат некоја посериозна глупост“, изјави за интернет-порталот ТАСС командирот на специјалниот одред снајперисти на руската мировна бригада капетан Андреј Мутин, пренесува Взгљад.

За стекнување практични навики во овие специфични ситуации, на полигонот е направена условна тампон-зона. Снајперистите изведуваа практична обука на „хумано“ гаѓање од основни и специфични позиции. Тие притоа ги увежбуваа најефикасните методи на „заплашување“ на условна цел, вклучувајќи и гаѓање на одредени зони на телото (екстремитетите) кои би го неутрализирале објектот на дејството без нанесување на фатални повреди. Во текот на вежбата се употребени снајперски пушки СВД и модернизираните АСВК-М опремемени со најмодерни оптички нишани, вклучувајќи и термовизиска опрема.

Процената е дека во вежбите на Рошинскиот воен полигон учествувале околу 1200 војници на мировната бригада на Централниот воен округ, вклучувајќи ги и снајперистите.

Погледнете го видеото: Испитување на новата руска снајперска пушка

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња