„Василиј Биков“ и „Капетан Гурјев“ влегоа во состав на руската Воена морнарица (ВИДЕО)

Скриншот
Церемонијата на кревање на Андреевското знаме и прием во оперативното вооружување на руската морнарица се одржа во Новоросијск, каде заедно со патролниот брод „Василиј Биков“ е примен и спасувачкиот реморкер од класата 22870 „Капетан Гурјев“.

„Овие бродови се идеални за задачи во борбата против пиратите, а исто така можат да ја зголемат и борбената способност на руската воена морнарица во целина“, изјави првиот човек на руската Воена морнарица Владимир Корољов.

Патролниот брод од класата 22160 „Василиј Биков“ е изграден во Зеленодолскиот бродоградежен завод во Татарстан. Се работи за модуларна пловна конструкција, наменета за обезбедување на територијалните води во подалечната морска зона, на далечини и до 200 наутички милји од брегот.

Корпусот на бродот е заштитен со оклоп отпорен на стрелечко оружје. Вкупниот депласман на бродот е 1500 тони.

Неговото основно вооружување се состои од артилериски модул 1 × 76 мм АУ АК-176МА и осум противввоздушни ракети со краток дострел „Игла“. Тука се наоѓаат уште и неколку митралези. Меѓутоа, поради модуларноста на самата конструкција тој може на својата палуба да носи хеликоптер со маса до 12 тони(Ка-27, Ка-29, Ка-52К) или 2-4 беспилотни летала, или како опција и крстосувачки ракети „Калибар“ со дострел од неколку илјади километри, кои се наоѓаат во универзални ракетни лансери кои можат да се вклопат во неговиот труп.

Прочитајте повеќе: Руската морнарица во четврток го добива првиот патролен брод од класата 22160

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња