САД се откажаа од арктички вежби - не сакаат да бараат помош од Русија во случај да им притреба

Мразокршачот „Поларна ѕвезда“ (Polar Star)

Reuters

Крајбрежната стража на САД реши сепак да не одржи вежба на Арктикот од страв дека единствениот американски тежок мразокршач може да се скрши, поради што би морале да бараат помош од Русија, пишува „Бизнис Инсајдер“.

Во статијата се наведува дека мразокршачот „Поларна ѕвезда“ (Polar Star) е стар преку 40 години и дека е „на стаклени нозе“, што поранешниот командант на американската Крајбрежна стража Пол Цукунфт добро го знае. Тој се спротивстави кога американскиот Совет за национална безбедност побара од него да го испрати мразокршачот преку северната морска рута заради вежби за слободна пловидба, соопштува РИА „Новости“.

„Моравме да земаме делови од брод од иста класа за да може ова нешто да функционира и не можам да ви гарантирам дека нема да имаме сериозни технички дефекти во текот на вежбата за слободна пловидба. Тоа би значело дека би морал да ја повикам Русија да го шлепува на сигурно место. Така што сега не е моментот за такво нешто“, наведе Цукунфт во својот одговор.

Во статијата не се прецизира за кога е планирана оваа вежба. Поранешниот командант на Крајбрежната стража зборуваше за својот одговор на почетокот на декември.

„Бизнис Инсајдер“ пишува дека САД се соочуваат со тешкотии во борбата за Арктикот, пред сѐ поради недостигот од мразокршачи, што е особено упадливо во споредба со Русија. Москва има десетици мразокршачи, а Вашингтон само два, додека „Поларната ѕвезда“ е единствениот од тешка класа, способен за операции на Арктикот.

Претходно на вестите на каналот Ен-Би-Си беше соопштено дека американската флота мразокршачи е во ужасна состојба, така што САД одамна ја загубиле трката за Арктикот од Русија.

Прочитајте повеќе: Морски чудовишта: Советските нуклеарни мразокршачи – до Северниот пол и назад

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња