Турција соопшти кога ќе ги распореди руските противвоздушни системи С-400

AFP

Руските противвоздушни системи С-400 во Турција ќе бидат распоредени во октомври 2019 година, соопшти министерот за одбрана на Турција Хулуси Акар.

„Работите на распоредување на системите ќе почнат во октомври 2019 година. Во тек е избор на персоналот“, изјави Акар, пренесува РИА „Новости“ повикувајќи се на весникот „Јени Сафак“.

Тој додаде дека избраните војници на почетокот на 2019 година ќе заминат во Русија на обука, а кога ќе ги добијат сите неопходни знаења ќе се вратат во Турција и ќе почнат со работа.

Турција и Русија во декември минатата година потпишаа кредитен договор за набавка на противвоздушни ракетни системи С-400. Анкара ќе купи две батерии со кои ќе управуваат турски војници.

Овој потег на Турција не им се допадна на САД, кои сметаат дека една од нивните приоритетни задачи е да го спречат купувањето на руските противвоздушни системи. Како една од мерките Вашингтон ј користи заканата дела ќе одбие да ѝ испорача на турската страна свои ловци-бомбардери F-35. Турција соопшти дека ваквите изјави на САД ги смета за уцена.

Прочитајте повеќе: Испораката на руски С-400 за Турција почнува во јули наредната година

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња