„Сите неопходни документи се потпишани минатиот месец и Министерството за одбрана почна со набавка на овие ракети“, истакна за ТАСС извор од воено-индустрискиот комплекс, пренесува интернет порталот РГ.
За опремување на оперативните противвоздушни ракетни полкови, како и на оние кои допрва треба да се воведат во формацискиот состав на руската армија, се планира набавка на повеќе илјади вакви ракети. Соговорникот на агенцијата напоменува дека државните планови за опремување на војската подразбираат опремување 56 дивизиони кои ќе бидат опремени со ракетните системи С-400 „Триумф“.
Ракетата со голем дострел 40Н6 е наменета за пресретнување и уништување на широк спектар на воздухопловни цели на далечини до 400 км. На тестирањето на оваа ракета одржано во мај годинава беше соборен светскиот рекорд во далечина на пресретнување на воздушна цел која се наоѓаше на оддалеченост од 480 км од лансирната единица. Стартната маса на ракетата достигнува 1800 кг а просечната брзина на нејзиниот лет е поголема од 1000 м/сек. Времето на подготовка за нејзино лансирање изнесува 15 секунди. Ракетата е проектирана на начин да може многу ефикасно да се употреби во услови на масовно противелектронско дејство на непријателот – нејзината моќна радарска глава за самонаведување е способна да ја зафати целта без оглед на губењето на врската со копнените станици за наведување на ракетата.
Тестирањето на оваа ракета успешно заврши во јуни годинава. Оваа ракета е специјално проектирана да се бори против воздушни летала кои се користат за радарско набљудување (AWACS) кои се клучни во наведувањето на ловечката авијација од петта генерација (F-22 и F-35) и без чија асистенција истите стануваат „глинени гулаби“ во воздухот. Исто така, ракетата 40Н6 е наменета за уништување на авиоцистерни во лет кои се исклучително важен елемент во изведувањето комплексни воздушни операции.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче