6 руски мотоцикли кои можат да се мерат со кој било „Харли Дејвидсон“

1. ИЖ

ИЖ „Планета 4“

А. Књазев/Sputnik

ИЖ, еден од првите мотоцикли во Советскиот Сојуз, датира уште од доцните 1920-ти. Оттогаш се произведени неколку десетици модели на мотор ИЖ, а вкупни околу 11 милиони мотоцикли. 

Еден од најуспешните модели беше ИЖ „Планета Спорт“. Првиот советски спортски мотоцикл се извезуваше во Велика Британија и Холандија, каде побарувачката беше голема.

„Калашников“

Производството на мотоцикли ИЖ во фабриката ИЖмото запре 2008 година. Денес мотоциклите ИЖ ги произведува концернот „Калашников“, кој наскоро ќе лансира нов модел - тешкиот мотоцикл за придружба кој ќе се користи во претседателската колона. Ќе има максимална брзина од 200 км/ч, а 100 км на час ќе може да развие за 3,5 секунди.

2. Восход

Восход 3М

А. Књазев/Sputnik

Мотоциклите „Восход“ во советско време се користеа првенствено како работни мазги во руралните подрачја. Дури и денес во некои оддалечени руски села можат да се најдат мошне добро зачувани мотори „Восход“.

3. Тула

ТМЗ-5,951

А. Књазев/Sputnik

Првиот „Тула“ е произведен 1984 година. Тоа беше првиот советски мотоцикл-теренец кој веднаш стана хит кај вљубениците во лов и риболов. Сепак, моделот не ги преживеа економски тешките 1990-ти и неговото производство запре 1996 година.

4. Урал

Легендарниот советски „Урал“ се користи и денес. Се работи за еден од ретките тешки мотоцикли кој како таков ужива голема популарност на Запад. На пример, холивудскиот актер Бред Пит е негов голем обожавател.

Михаил Воскресенски/Sputnik

Тешките „Урали“ во СССР мораа да имаат странична приколка и единствено милиционерите можеа да бираат дали ќе ја користат или не.

5. Стелс

Stels

Групата „Веломоторс“ е еден од најголемите европски производители на мотоцикли на четири тркала, моторни санки и велосипеди. А сега планира да заземе и значајни место на пазарот на мотоцикли. Линијата „Стелс“ веќе има 15 модели.

6. Ирбис

Irbis

Младата компанија „Ирбис“ е основана 2001 година во Владивосток и многу бргу стана еден од лидерите на рускиот пазар на мотоцикли. Овие машини веќе претставуваат сериозна конкуренција на странските и домашните брендови – со нив нема многу работа околу одржувањето, а возилата се добро прилагодени на суровата руска клима.

Прочитајте повеќе за легендарниот „Урал“: Руски мотоцикл кој ги воодушеви Американците и Садам Хусеин

При користење на материјалите на Russia Beyond задолжителен е хиперлинк до изворот од кој е преземен материјалот.