Уште една земја го доби смртоносниот руски „Сонцепјок“

Сѐ поголем број на држави во својот арсенал ги имаат тешките повеќецевни ракетни фрлачи ТОС-1А „Сонцепјок“. Овие машини неодамна првпат беа демонстрирани и на маневрите на копнените сили на Алжир.

На интернет уште лани се појави информацијата дека оваа северноафриканска држава купува од Русија убојно оружје, но алжирската армија досега ниту еднаш не го демонстрираше јавно.

Судејќи според објавените материјали, тешкиот повеќецевен ракетен фрлач е направен на шасија на тенкот Т-90С кој сега е главното оружје на тенковските сили на оваа земја.

Според мислењето на воените експерти, военополитичкото раководство на Алжир одлучило да набави ваква техника кога ја видело нејзината примена во Ирак и Сирија. Во тие жаришта системите „Сонцепјок“ покажаа мошне висока ефикасност и дадоа значителен придонес за крахот на терористичката организација „Исламска држава“.

Треба да се истакне дека врз основа на сириското искуство, руската армија годинава одлучи да ги вооружи и своите артилериски единици со модернизирани системи ТОС-1А.

Прочитајте повеќе: Сирија: Руските „Сонцепјок“ и „Змеј Горинич“ ќе ги демолираат терористите во Источна Гута

При користење на материјалите на Russia Beyond задолжителен е хиперлинк до изворот од кој е преземен материјалот.