Се појавија првите фотографии од внатрешноста на седанот „Кортеж“

Претседателската лимузина

Претседателската лимузина

Kremlin.ru
На интернет се појавија првите фотографии од внатрешноста на седанот Aurus Senat, новиот руски автомобил од премиум класата на проектот „Кортеж“, како и прикази на различните верзии на салонот.

Внатрешноста на седанот Aurus Senat објавена на порталот за автомобили RCI News е фотографирана во текот на фабричката монтажа пред година дена, додека списанието „Авторевју“ претходно објави прикази на внатрешноста на основниот модел од фамилијата руски автомобили од премиум класата, седанот Aurus Senat.

На сликите се гледаат три верзии на внатрешноста на автомобилот -   класичен црн салон со детали од розино дрво, бели со додатоци од маслиново дрво и кафеави со делови од „тигрово дрво“. Во кабината на седанот е користена комбинација од природна напа кожа и висококвалитетна имитација на антилоп кожа (популарната Алкантара).

Според дизајнерските замисли внатрешноста на седанот треба да потсетува на современ дневен престој со многу дрво и големи слободни површини, пренесува RCI News.

Автомобилите од проектот „Кортеж“ имаат некои специфични решенија, па така во состав на мултимедијалниот систем не постои функција за синхронизација со паметни телефони за да се избегнат ризиците од протекување на податоци при нивно приклучување.

Возилата настанати во рамките на проектот Единствена модуларна платформа (или на проектот „Кортеж“) на пазарот се пласирани под ознаката Aurus (настаната со спојување на латинскиот назив за злато и зборот Русија).

Прочитајте повеќе: На Путин му се допадна новата лимузина „Кортеж“ со која пристигна на инаугурацијата

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе