Рускиот „Кортеж“ ќе биде конкуренција на „Мерцедес“ и „Бентли“

Автомобилите од проектот „Кортеж“ ќе имаат квалитет и опрема како светските автомобилски брендови „Мерцедес“, „Бентли“ и „Ролс Ројс“, изјави претставник на НАМИ.

Автомобилите од проектот „Кортеж“ - лимузина, седан, СУВ и минибус - според цената, како и според своите карактеристики ќе им конкурираат на брендови како што се „Мерцедес С-класа“, „Бентли“ и „Ролс Ројс“. Ова го изјави на маргините на саемот „Иннопром 2017“ началникот на одделот за напредна технологија и развој на ГНЦ РФ ФГУП „НАМИ“ Кирил Казмирчук.

„Можат да нѐ споредуваат со „Мерцедес С-класа“, „Бентли“, „Ролс Ројс“. Тие (автомобилите од проектот „Кортеж“) и според опремата, и според квалитетот ќе бидат аналог на овие марки, во целина нашиот проект е комерцијален. Јасно е дека нивното ниво на цена е како за „Мерцедес С-класа“. Тоа не е „Лада Жигули“ и не е „Рено“, изјави Казмирчук, пренесува auto.newsru.com.

Тој истакна дека спектарот на цени за моделите на „Мерцедес С-класа“ е од 6 до 13 милиони рубли. „Тоа е голем автомобил? Да, голем. Но секој може да го купи? - Се разбира, не“ изјави тој.

Тој прецизираше дека НАМИ во рамките на проектот има создадено свој девестепен автоматски менувач и три турбо мотори - V4, V8 и V12, со 250, 650 и 850 коњски сили. Конкретно, лимузината за претседателот ќе има мотор со сила од 850 коњски сили, изјави Казмирчук.

Откако моделите ќе бидат презентирани, проектот ќе стане комерцијален и автомобилите од проектот ќе бидат достапни за сите заинтересирани.

Како што изјави претставникот на НАМИ, можно е во иднина да биде создадена поедноставена верзија на менувачот за моторот V4 и корисниците ќе бидат во можност да изберат како менувач, така и мотор, заедно со ентериер и екстериер. Според Казмирчук, домашните производители се веќе заинтересирани за V4 моторот и можеби и ќе почнат да го инсталираат во своите возила.

Претходно беше соопштено дека Русија им понудила на индиски компании да прават автомобили на платформата „Кортеж“. 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња