На Црвениот плоштад за Парадата на Победата ќе дефилира најновата воена техника

Ноќна проба за Парадата на Победата на Црвениот плоштад

Ноќна проба за Парадата на Победата на Црвениот плоштад

Александар Вилф/Sputnik
Пробите за Парадата на Победата се вршат од 28 март во подмосковскиот град Алабино, а од крајот на април ќе се одржуваат ноќе на Црвениот плоштад, изјави во интервјуто за весникот „Краснаја звезда“ командантот на руската Копнена војска генерал-полковник Олег Саљуков.

„На деветти мај на претстојната Парада нѐ очекуваат неколку новитети. Пред сѐ тоа е борбената машина за поддршка на тенкови БМПТ „Терминатор”, ЗРК „Тор-М2”, како и оклопните автомобили „Тајфун-К” со погон 4х4“, нагласи Саљуков.

Според неговите зборови, првпат во колоната на Црвениот плоштад ќе се најдат оклопните возила ВПК-233136 „Тигар”, „Урал-432009” и блиндираниот автомобил „Патруљ”, кој влегува во составот на механизираната единица на Росгвардија.

Ќе има и многу стари познаници, како што се тенковите „Армата”, БМП „Курганец” и БТР „Бумеранг”, самоодните хаубици „Мста-С”, ЗРК „Бук-М2” и „Панцир-С1”, ракетните системи „Искандер-М” и „Јарс”.

Над Црвениот плоштад ќе прелетаат стратешки ракетоносци Ту-160, Ту-95МС, далекулетни бомбардери Ту-22М3, танкери Ил-78, военотранспортни авиони Ан-124 и Ил-76МД, ловци Су-35С, Су-30СМ, МиГ-29, МиГ-31, фронтовски бомбардери Су-34 и Су-24М, јуришници Су-25, како и хеликоптери Ми-26, Ми-8, Ми-28Н, Ка-52 и Ми-24П.

Погледнете како изгледаше ланската генерална проба за Парадата на Победата. 

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња