„Убиец на сателитите на Западот“: Како реагираа медиумите на тестирањето на руската противракета

Скриншот

Скриншот

Успешното тестирање на модернизираната ракета-пресретнувач на полигонот Сари Шаган во Казахстан многу ги вознемири странските медиуми.

Видеоснимката што ја објави Министерството за одбрана на РФ по традиција најсилен впечаток им остави на британските таблоиди. На пример, популарното издание „Дејли Меил“ напиша дека модернизираната противракета е „убиец на сателитите на западните земји“, а весникот „Мирор“ дека тоа тестирање е „одвај камуфлирана закана до Западот“.

Јапонскиот информативен портал „Дипломат“ објави опширна статија за усовршувањето на целиот руски систем за противракетна одбрана и тестирањето на противракети. Јапонците истакнуваат дека противсателитските ракети предизвикуваат загриженост кај американското раководство.

Директорот на американската Национална разузнавачка агенција Ден Коутс изјави дека „Русија и Кина продолжуваат да го користат антисателитското оружје како средство за намалување на воената ефикасност на САД и нивните сојузници“. А високиот претставник на разузнавањето на САД Роберт Ешли изјави дека Москва ќе продолжи да работи над копнено, воздушно и вселенско антисателитско оружје кое ќе ѝ користи како средство за намалување на воената ефикасност на САД и контрола над ескалацијата на конфликтот“.

Медиумите на другите земји беа поскромни во изјавите. На пример, индискиот информативен портал Defense World ја покажа видеоснимката со следнава констатација: „Системот за противракетна одбрана има задача да ја заштити Москва од вселенски напади, да предупреди за ракетен напад и да го контролора вселенскиот простор“.

Погледнете го лансирањето на новата руска противвоздушна ракета

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња