Луѓето од Чукотка на Далечниот Исток на Русија, како и морнарите во Беринговото море, веќе некое време се збунети од мистериозните облици со кафена боја што се појавија во океанот. Некои мислат дека тоа се антропогени мутации на некои животински видови, а јасно е и поради што: по малку личат на чудовиштето од „Осмиот патник”.
Максим Антипин
Се покажа, меѓутоа, дека потеклото на овие страшни суштества е помалку возбудливо: се работи за алга позната под називот Nereocystis luetkeana. Таа потекнува од брегот на Тихиот океан во Северна Америка, што значи дека поминала долг пат. Алгата може да достигне 25 метри должина, има 20 сантиметри во пречник и се припива до карпи и морското дно. Во текот на декември оваа морска трева се разнесува во другите делови на светот.