„Змејот Горинич“ во Сирија: експлозија од која се тресеше брегот на Еуфрат

Виталиј В. Кузмин
Системот за деминирање од советско производство УР-77 „Метеорит“ е активно вклучен во борбите на подрачјето на Деир ез-Зор. На интернет се појавија впечатливи видео-снимки од борбеното дејствување на оваа машина која во руската армија и медиумите поради својата огромна ударна моќ е наречена Змејот Горинич (триглав змеј од руските бајки).

„Метеорит“ очигледно го чистеше теренот од мини во текот на операцијата за поставување премини преку Еуфрат до островот Ката, пишува „Росијскаја газета“. Системот е скриен зад крајбрежните растенија и не се гледа добро. Во близина се наоѓа амфибиски транспортер.

Снимен е моментот на старт на реактивниот мотор кој на непријателскиот брег исфрла проектил. Неколку секунди подоцна се слуша силна експлозија од чиј ударен бран се тресе целата околина. Облак во вид на нуклеарна печурка се крева во висина неколку десетици метри.

Како што е познато, масата на експлозив во таквите инженериски системи може да достигне 700 килограми, па оттука и толку ефектниот пиротехнички призор. 

Машините УР-77 во наведениот реон се забележани кон средината на октомври. Претходно слична техника е користена главно на подрачјето на Дамаск. Вистина, „Метеоритите“ не се употребувани за деминирање, туку со цел уништување на утврдените позиции на терористите.

Во текот на борбите покрај Еуфрат способноста на „Змејот Горинич“ ефикасно да прави премини на големи мински полиња беше добредојдена.

Направена врз база на самоодната хаубица 2С1 „Гвоздика“ оваа инженериска машина е воведена во вооружувањето пред 40 години, а потоа применувана во многу вооружени судири. Од 2014 година успешно учествува во војната во Сирија.

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња