Русите открија нов остров на Арктикот

© GTW/Global Look Press
Хидрогеографите на Северната флота открија нов остров на подрачјето на глечерот Чаев, пренесуваат руските медиуми повикувајќи се на Андреј Лузик од прес-службата на Северната флота.

До ова откритие дојде истражувачката група заедно со посадата на  хидрографскиот брод „Сенеж“. Стручњаците открија и повеќе нови географски објекти кои се формирале на островот Северное по разорувањето на ледникот.

Екипата на „Сенеж“ ја продолжува својата арктичка мисија започната пред месец и половина со океанографски истражувања во Баренцовото море. Походите на хидрогеографските бродови на Северната флота во научно-истражувачки цели се редовни последниве години. Експедициите во најголема мера се организираат при крајот на летото и почетокот на есента, затоа што ледената покривка на северните мориња тогаш е минимална, што овозможува истражување на тешко достапните подрачја на Арктикот.

Стручњаците на бродот „Сенеж“ во септември проучија уште еден неистражен реон во Карското море, вршеа испитувања на Лаптевското море и учествуваа во обезбедувањето на мисијата на одредот бојни бродови во арктичката зона.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња