Земан: Украина веќе не може да си го врати Крим

„Анексијата означува прекршување на меѓународните спогодби и тоа, несомнено, значи дека спогодбите кои го гарантираат територијалниот интегритет на Украина, беа прекршени“, изјави Земан, пишува „Њујорк Тајмс“.

Чиј е Крим?

Притоа чешкиот лидер изјави дека Никита Хрушчов  „направи непростлива глупост“, предавајќи ѝ го Крим на Украина. „Денеска светските политичари признаваат дека Крим не може да ѝ биде вратен на Украина“, изјави претседателот на Чешка.

Уште во 2014 година Земан зборуваше дека Крим е загубен за Украина: „На крајот на краиштата, тој никогаш не ѝ припаѓал на Украина освен периодот кога тогашниот малку чуден лидер на Советскиот Сојуз Никита Хрушчов ѝ го даде како подарок на Украина“.

Покрај тоа, Земан исто така изјави во август дека е време Прага јасно да го искаже својот став во однос на антируските санкции и да им се придружи на земјите кои се залагаат за нивно укинување. Според него, политиката на санкции против Русија ѝ пречи на довербата и претставува двојна загуба, пишува „Взгљад“.

Сите права ги задржува „Росијскаја Газета“.