Могерини ја повикува Русија да ја ослободи Савченко

Могерини притоа се повикува на пакетот-мерки во врска со имплементацијата на „Минската спогодба“ според кој „пости обврска да се ослободат сите заробени и приведени лица поврзани со конфликтот на истокот на Украина“.

Шефицата на европската дипломатија Федерика Могерини ја повикува Русија безусловно да ја ослободи Украинката Надежда Савченко, која беше осудена за убиство на руски новинари во Донбас на 22 години робија.

„Им се придружуваме на многуте гласови од целиот свет, повикувајќи ги руските власти без одлагање и поставување претходни услови да ја ослободат Надја Савченко поради хуманитарни причини и во рамките на реализацијата на „Пакетот-мерки за имплементација на „Минската спогодба“, според кој постои обврска да се ослободат сите заробени и приведени лица поврзани со конфликтот на истокот на Украина“, се наведува во соопштението на Високиот комесар на ЕУ за надворешна политика и безбедност, пренесува „Взгљад”.

Таа истакна дека тоа се однесува и на други украински државјани кои, според мислењето на ЕУ, се незаконски задржани во Русија. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња