Кремљ ја коментираше можноста за размена на Савченко

Русија ќе дејствува во согласност со законодавството на земјата по прашањето за можноста за размена на државјанинот на Украина Надежда Савченко, соопшти портпаролот на претседателот на Русија Дмитриј Песков, пренесува „Взгљад“.

„Руската страна ќе дејствува во строга согласност со националното законодавство. Инаку, одлука може да донесе само претседателот. Каква, засега не можам да кажам“, изјави Песков, коментирајќи ги зборовите на украинскиот претседател Петро Порошенко за можна размена на Савченко за двајца државјани на Русија.

Претходно Порошенко изјави дека Киев е подготвен да размени двајца руски војници приведени во Украина за Надежда Савченко.

Сите права ги задржува „Росијскаја Газета“.